Guilliam Oberholster nuwe bestuurder van Hartswater: “Ons moet ‘on top of our game’ wees”

Dit is vir die Agrico-span ’n plesier om Guilliam Oberholster as die nuwe takbestuurder van Agrico Hartswater voor te stel. Guilliam en sy span beoog om in die komende jare Hartswater se produsente te ondersteun met effektiewe ontwerpe, die nuutste besproeiingstegnologie en toegewyde dienslewering. Hy neem die leisels oor by Corno Bothma, wie Agrico Hartwater gelei het vanaf 2020 tot 2023.  

’n Lang pad saam met Agrico

Vir meer as twee dekades, kruis Guilliam en Agrico se paaie keer-op-keer.  Die Hartswater tak is die derde Agrico-tak wat sal baat by sy ondervinding en besproeiingskennis. 

Guilliam se besproeiingsloopbaan het in 1991 afgeskop as ontwerper by Boeresake, waarna hy by verskeie besproeiings- en landboumaatskappye gewerk in die kleinhandel sowel as groothandel. Byna 20 jaar gelede het hy vir die eerste maal aangesluit by Agrico as besproeiingsontwerper by die Kimberley-tak. In Mei 2022, het hy teruggekeer na Agrico as Lichtenburg se binnelandse bestuurder. 

Met sy nuutste rol as takbestuurder van Agrico Hartswater sedert November 2023, is dit Guilliam se visie om van Agrico Hartswater en Christiana die voorkeurverskaffers van besproeiingstoerusting en -stelsel in die omgewing te maak. Dit sal bereik word deur akkurate voorraadhouding, die ontwerp van tegnies korrekte en ekonomiese stelsels, en natuurlik deeglike na-verkope diens.

Innovasie en opleiding in besproeiing 

Bekend vir sy probleemoplossingsvaardighede en gevorderde ontwerpe, glo Guilliam dit is noodsaaklik dat besproeiingsverskaffers voor bly met tendense en investeer in opleiding. 

“Tegnologie en tegnieke bly verander en vernuwe. Dus is deurlopende opleiding noodsaaklik om seker te maak dat ons by-bly om sodoende vir die boer die beste oplossings te kan bied. Ek is nie ‘n verkoopsman nie, ek verskaf oplossings en goeie diens. Om dit te kan bereik moet ek en my span ‘on top of our game’ wees,” vertel hy.

Guilliam glo dat dit Agrico se verantwoordelikheid is om die boer te help om volboubaar en winsgewend te kan boer. 

“Vir my is dit belangrik om langtermyn verhoudings te bou sodat die boer jou kan vertrou, selfs in die moeilike tye. Dit sal vir die gemeenskap en Agrico tot voordeel strek.”

Ons sien uit om te sien wat Guilliam en sy span gaan uitrig in 2024 en die jare wat voorlê.

Related articles

Agrico in ‘n seisoen van momentum

In hierdie ekslusiewe onderhoud gesels die Andrag-neefs, Walter en Roland, oor Agrico van vandag. Gebou op meer as ‘n eeu se ryk geskiedenis, doen Agrico alles behalwe stagneer. ‘n Groeiende taknetwerk, ‘n poel jong talent en aanhoudende investering in moderne vervaardiging, getuig daarvan. Lees meer oor hierdie twee bedryfsleiers se uitkyk op die landbou, en Agrico se seisoen van momentum!

Read More »

Agrico Vredendal fokus op hernubare sonkrag vir besproeiingstelsels

“Sonkrag is die toekoms en ons visie by Agrico Vredendal is om die tipe tegnologie in besproeiing uit te brei,” sê Roekie Coetzee, takbestuurder van Agrico in Vredendal. “Dit is juis waarom ons reeds venootskappe in sonkrag begin vorm het: sodat ons die boer kan help om daardie omskakeling so moeiteloos as moontlik te maak.”

Read More »