Bianca Henning – ProAgri
Die dag toe Agrico se werktuie op Rustgevonden naby Ventersburg in die Vrystaat voet aan wal gesit het, is ՚n toppunt in grondbewerking bereik. Thys Delport boer sedert 1968 op Rustgevonden. Hy is ՚n ware ambassadeur vir Agrico-werktuie omdat hulle ՚n kernrol in die sukses van sy plaas speel.
Thys het sewe Agrico-spilpunte waarvan die oudste een al vir 37 jaar getrou werk. Hy besit ook ՚n HSD 630 hoëspoed-skotteleg en ՚n splinternuwe T1000-skeurploeg. Thys boer met mielies, suikerbone en koring.
Die Agrico-skotteleg op Rustgevonden is 4 meter breed en werk teen ՚n diepte van 160 mm. Die werkdiepte is verstel-
baar met ՚n pen-in-gat-meganisme op die roller. Die eg werk natuurlik die beste teen hoë spoed, want dit is waarvoor dit ontwerp was — hoe dan anders!
“Die HSD bewerk heel doeltreffend 35 ha per dag teen tussen 12 en 13 km per uur met ՚n 120 kW trekker. Die werktuig doen die werk wat dit veronderstel is om te doen heel gemaklik en akkuraat. Die wortelontwikkeling van die plante getuig hiervan. Dit is alles te danke aan die geoptimaliseerde skottelkonfigurasie wat Agrico vervolmaak het,” verduidelik Thys.
“Jy kan duidelik sien dat die HSD plaaslik ontwerp en vervaardig is,” verklaar Thys. “Agrico gebruik gevorderde materiaal en die beste vakmanskap.Die werktuig is ratelsterk, maar ook eenvoudig om op te stel en te gebruik.
“My verhouding met Agrico het vyftig jaar gelede begin toe ek besproeiing op my plaas nodig gehad het. Onlangs het ek Agrico-werktuie tot my boerdery toegevoeg en ek sal elke boer aanraai om dieselfde te doen.”
Een van die grootste voordele van die T1000-skeurploeg is sy doeltreffende werking. Die geometriese ontwerp
verseker goeie stoppelvloei en keer dat dit verstop omdat geen materiaal aan die tande klou of tussen die tande en
die balk vasgevang word nie. Daar is dus geen onnodige stoppery om ver- stoppings te verwyder nie.
Skeurploegbewerking maak dit makliker vir reënwater om in die grond in te dring sonder om erosie
te veroorsaak.
“Reënwater deurdring die grond dieper en stel plante in staat om langer sonder reën te oorleef,” verklaar Thys.
Grondbewerking met die T1000 bevorder ook sywaartse wortelgroei wat verseker dat gewasse voedingstowwe
en vog verder kan gaan haal en beter kan absorbeer.
Die ideale werkdiepte van die Agrico T1000-skeurploeg is tussen 400 mm en 630 mm, afhangende van die omstandighede en die grondbewerkingsmetode.
“Thys ploeg tot ՚n diepte van 450 mm om die verdigtingslaag op te breek. Een van die voordele van Agrico se T1000 is die uitstekende manier waarop materiaal tussen deur die tande vloei sonder om te verstop,” sê Christo Hepburn, takbestuurder van Agrico in Bethlehem.
Die T1000 is beskikbaar in modelle van 1 tot 17 tande, en met rame tot 8,5 meter breed. “Agrico se skeurploeë staan kop en skouer uit bo hulle mededingers, want die raamwerk is pasgemaak vir my behoeftes en die tande bestaan uit hoësterkte materiaal wat langer hou,” sê Thys.
Thys waardeer dat hy regstreeks met Agrico se kundiges kan werk. “Wat vir my die meeste uitstaan van Agrico, is
hulle beskikbaarheid, duursaamheid, gehalte, naverkoopdiens en veral Agrico se integriteit,” sluit hy af.
Christo is die Agrico-kontakpersoon op wie se nommer Thys druk. Hy is net so opgewonde soos Thys oor die werksverrigting van Agrico se werktuie.
In hierdie ekslusiewe onderhoud gesels die Andrag-neefs, Walter en Roland, oor Agrico van vandag. Gebou op meer as ‘n eeu se ryk geskiedenis, doen Agrico alles behalwe stagneer. ‘n Groeiende taknetwerk, ‘n poel jong talent en aanhoudende investering in moderne vervaardiging, getuig daarvan. Lees meer oor hierdie twee bedryfsleiers se uitkyk op die landbou, en Agrico se seisoen van momentum!
Agrico stel die nuwe 12.5 m Hoë Spoed Dis bekend, ‘n robuuste werktuig wat ontwerp is vir doeltreffende boerdery met wyer werksdekking. Hierdie Hoë Spoed Dis, wat by NAMPO debuteer, help boere om tyd en geld te bespaar.
Fifteen years ago, Guru started his farming journey with little knowledge. Today, he has turned his 500 Ha farm in Zambia into a thriving enterprise and a family legacy. Using 20 Ha of drip-irrigation and two Agrico centre pivots, Guru has irrigated his way to success.
From efficient irrigation to purpose-built implements, Agrico offers the best of both worlds. Our expertise in irrigation design and seedbed preparation is what your farm needs to take it to the next level. Don’t believe us? Come see for yourself at NAMPO 2024.
Faced with a tight deadline, Sampada-Agri and Agrico collaborated to install an illigation system for sugar beans in just two weeks. This project showcased innovative problem-solving and effective teamwork, ensuring timely planting for Sampada-Agri’s expansion into sugar beans.
“Sonkrag is die toekoms en ons visie by Agrico Vredendal is om die tipe tegnologie in besproeiing uit te brei,” sê Roekie Coetzee, takbestuurder van Agrico in Vredendal. “Dit is juis waarom ons reeds venootskappe in sonkrag begin vorm het: sodat ons die boer kan help om daardie omskakeling so moeiteloos as moontlik te maak.”
