Niel Venter neem leisels van Agrico Ceres: “As die boer floreer, word die gemeenskap versterk.”

Dit is vir die Agrico-span ‘n plesier om Niel Venter as die nuwe takbestuurder van Agrico Ceres voor te stel. Vanaf Junie 2023, sal Niel en sy span vir Ceres se produsente ondersteun deur effektiewe ontwerpe, toegewyde dienslewering en ‘n wye reeks besproeingskomponente. Niel neem die bestuur oor by Cobus Dreyer, wie Agrico Ceres gelei het vanaf 2016 tot 2023. 

Jare se passie vir besproeiing en ontwerp

Niel se loopbaan by Agrico het in 2015 afgeskop toe hy as ‘n vakleerling by Agrico Bellville aangesluit het. Oor die volgende paar jaar het hy sy vaardighede aangeskerp en ervaring opgedoen tot hy in 2019 na besproeiingsontwerper by Agrico Ceres bevorder is, en uiteindelik as takbestuur aangewys is in 2023.⁠ 

Niel word geken vir sy positiewe houding, diensbaarheid, inistiatief en vermoë om planne in werking te stel. Oor die jare het sy passie vir besproeiingsontwerp nooit gekwyn nie, meen Niel. Om ‘n oplossing the sien realiseer vanaf opmeting en ontwerp tot ‘n werkende pomphuis, spilpunt of ander besproeiingstelsel, is vandag nog net so bevredigend soos agt jaar gelede. 

Gevra oor die grootste les geleer deur sy loopbaan, is sy antwoord eenvoudig: ‘n mens maak foute. Dit is belangrik om te erken wanneer ‘n fout begaan is, om verantwoordelikheid te neem en dit reg te stel. ⁠

Toegewyde ondersteuning teen alle tye

Niel glo dat Agrico ‘n belangrike rol speel om die lewensgehalte van Ceres se inwoners van te verbeter. As takbestuurder hoop hy om die produsente te ondersteun met uitstekende diens en optimale besproeiingsontwerpe. 

“‘n Boer het geen inval- of uitvaltyd nie. Noodgevalle is geneigd om op Sondae, langnaweke en oor Kersfees te ontstaan. Selfs dan moet jy beskikbaar wees om te help,” sê Niel. “Hoe meer die boer floreer, hoe sterker word die hele gemeenskap.”

Dit is deur hierdie tipe toewyding dat hy hoop om die tak se voetspoor uit te brei en Agrico Ceres se beeld te verfris. Agrico is saam met Niel opgewonde oor die toekoms van Agrico Ceres, en wens hom en sy span alle voorspoed met alles wat hul aanpak.

Related articles

Agrico Vredendal fokus op hernubare sonkrag vir besproeiingstelsels

“Sonkrag is die toekoms en ons visie by Agrico Vredendal is om die tipe tegnologie in besproeiing uit te brei,” sê Roekie Coetzee, takbestuurder van Agrico in Vredendal. “Dit is juis waarom ons reeds venootskappe in sonkrag begin vorm het: sodat ons die boer kan help om daardie omskakeling so moeiteloos as moontlik te maak.”

Read More »

Choosing the correct filtration method for your irrigation system

When it comes to protecting your irrigation system, few things are more important than effective filtration. The purpose of filtration is to protect the irrigation system from particles that can cause blockages. The correct choice of filtration method to protect your system against blockages is not a mere financial decision.

Read More »

AgriWaterland in Komatipoort joins the Agrico-family

We are pleased to announce that  Agri Waterland in Komatipoort will be joining Agrico, with effect 1 February 2024. Over the years Agri Waterland has serviced the larger Komatipoort area, and forged strong relationships with growers, based on strong technical expertise and dependable service.

Read More »